മുണ്ടക്കയം: ജോസ് കെ. മാണി എം.പി.യുടെ പ്രാദേശിക വികസന ഫണ്ടിൽ നിന്നും 1.75 ലക്ഷം രൂപ വിനിയോഗിച്ച് വണ്ടൽപതാൽ അസംബനി കവലയിൽ സ്ഥാപിച്ച ഹൈമാസ് ലൈറ്റ് തെളിഞ്ഞു. പദ്ധതിയുടെ ഉദ്ഘാടനം അഡ്വ. സെബാസ്റ്റ്യൻ കുളത്തുങ്കൽ എം.എൽ.എ. നിർവ്വഹിച്ചു.
വർഷങ്ങളായി സ്ട്രീറ്റ് ലൈറ്റ് പ്രകാശത്തിൽ കഴിഞ്ഞിരുന്ന അസംബനി കവലയിൽ, കൂടുതൽ വെളിച്ചം നൽകുന്ന ഹൈമാസ് ലൈറ്റ് സ്ഥാപിച്ചതോടെ പ്രകാശത്തിൻ്റെ വെള്ളിവെളിച്ചം ഉണ്ടാകുമെന്ന് എം.എൽ.എ. പറഞ്ഞു. ടൗണിലെ സുരക്ഷയ്ക്കും ശബരിമല തീർത്ഥാടകർക്കും കാൽനട യാത്രക്കാർക്കും ഇത് വലിയ സഹായമാകുമെന്നും അദ്ദേഹം കൂട്ടിച്ചേർത്തു.
വാർഡ് മെമ്പർ നാദിറ ഫൈസൽ ചടങ്ങിൽ അദ്ധ്യക്ഷത വഹിച്ചു. കേരളാ കോൺഗ്രസ് (എം) മണ്ഡലം പ്രസിഡൻ്റ് ചാർലി കോശി, സി.പി.എം. ബ്രാഞ്ച് സെക്രട്ടറിനിയാസ് കല്ലുപുരയ്ക്കൽ, , അൻസർ വെള്ളുപറമ്പിൽ, ചാക്കോ ടി.ജെ., സുമേഷ് ചമ്പക്കുളം, അനിയാച്ചൻ മൈലപ്ര, മുഹമ്മദ് സാലി,സജീവൻ പുത്തൻവീട്ടിൽ, ജെഫിൽ എന്നിവർ ചടങ്ങിൽ സംസാരിച്ചു.
