കോട്ടയം ജില്ലയിലെ പാറത്തോട് ഗ്രാമ പഞ്ചായത്തിലെ പാലപ്രയിൽ ജനിച്ച അദ്ദേഹം പാറത്തോട്, വെളിച്ചിയാനി എന്നീ ലൈബ്രറികളിലെ അലമാരകളിൽ ഇരിക്കുന്ന പുസ്കങ്ങൾ വായിച്ചശേഷമാണ് ഉയരങ്ങളിൽ എത്തിയത്. വായന അവസാനിക്കുന്നില്ല, തുടർന്നുകൊണ്ടേയിരുന്നു. ഏത് ആസുരകാലത്തും എന്തു കൊടുത്താൽ ജനങ്ങൾ വായിക്കും എന്ന തിരിച്ചറിവ് ഈ വിശാലമായ വായനയിലൂടെ ലഭിച്ചു. അതാണ് അവന്തിയെ നിലനിർത്തിയ സ്വത്ത് . എഴുത്ത് അറിയാത്തവർ എഴുതുന്ന ചപ്പുചവറുകൾ അടിച്ചേൽപ്പിച്ച് മടുപ്പിച്ചതാണ് ജനങ്ങൾ വായനയിൽ നിന്നും പിന്മാറാൻ മുഖ്യകാരണം. കാളിദാസനെ മുതൽ ദസ്തയെവ്സ്കിയെ വരെ എഴുത്തുകാരൻ അറിഞ്ഞിരിക്കണം. ഇതൊന്നുമറിയാതെ രാഷ്ട്രീയ യജനമാനന് ദാസ്യപ്പണി ചെയ്ത് പുരസ്കാരം വാങ്ങുന്ന എഴുത്തുകാരൻ സാഹിത്യരംഗത്തെ ഒരു മലിനക്കുഴിയാക്കി മാറ്റി. വായനക്കാർ ഈ ദുർഗന്ധത്തിൽ നിന്നും ഓടി രക്ഷപ്പെട്ടു. സോഷ്യൽ മീഡിയായും, റീൽസുമൊക്കെ പൈങ്കിളി വായനക്കാരെ സ്വാധീനിച്ചിരിക്കാം. എന്നാൽ നിലവാരമുള്ള വായനക്കാർ പിന്മാറിയത് ആദ്യം പറഞ്ഞ കാരണത്താലാണെന്നും അദ്ദേഹം പറഞ്ഞു.
ഇതിനോടകം മാത്യൂസ് അവന്തി മുപ്പതിൽപരം പുസ്തകങ്ങൾ രചിക്കുകയും 1000 - ത്തിൽ പരം പുസ്തകങ്ങൾ പ്രസിദ്ധീകരിക്കുകയും ചെയ്തിട്ടുണ്ട്. ഭാരത ചരിത്രത്തിൽ തമസ്ക്കരിക്കപ്പെട്ട വീരനായകന്മാരാണ് എൻ്റെ പുസ്തകങ്ങളുടെ വിഷയം . കാളിദാസകൃതികൾ രണ്ടെണ്ണം ഗദ്യപരിഭാഷ ചെയ്തിട്ടുണ്ട്. പുസ്തക പ്രസാദകമേഖലയുടെ ഭാവിയെക്കുറിച്ചോ അവന്തി പബ്ളിക്കേഷനെക്കുറിച്ചോ ഒട്ടും ഉത്കണ്ഠയില്ലെന്നും, നുറു ശതമാനം ശുഭാപ്തി വിശ്വാസമണുള്ളതെന്നും അദ്ദേഹം കൂട്ടിച്ചേർത്തു.
കൊച്ചിയിൽ നടത്തിയ അന്താരാഷ്ട്ര പുസ്തകമേളയിൽ മാത്യൂസ് അവന്തി ഗദ്യപരിഭാഷ നിർവ്വഹിച്ച കാളിദാസൻ്റെ "രഘുവംശം " ജസ്റ്റീസ് കെ. സുകുമാരനും ജസ്റ്റീസ് ദേവൻ രാമചന്ദ്രനും ചേർന്ന് പ്രകാശനം ചെയ്തു. ഇപ്പോൾ എറണാകുളത്ത് പനമ്പള്ളി നഗറിലാണ് താമസം.
✍️✍️✍️✍️✍️✍️✍️✍️✍️✍️✍️✍️✍️✍️✍️✍️✍️✍️
