*The NewsMalayalam updates* *കൊച്ചി മെട്രോ ട്രാക്കിൽ നിന്ന് ചാടിയ യുവാവ് മരണമടഞ്ഞു*.

ഇന്ന് ഉച്ചയ്ക്ക് ശേഷം കൊച്ചി മെട്രോ ട്രാക്കിൽ നിന്ന് റോഡിലേക്ക് ചാടിയ ആൾ ആണ് മരിച്ചത്. തിരൂരരാങ്ങാടി സ്വദേശി നിസ്സാറാണ് മരണമടഞ്ഞത്. കളമശ്ശേരി മെട്രോ സ്റ്റേഷനും കുസാറ്റ് മെട്രോ സ്റ്റേഷനും ഇടയിലുള്ള ഭാഗത്താണ് സംഭവം നടന്നത്. ട്രെയിൻ വരുന്നതിന് തൊട്ടുമുമ്പാണ് ഇയാൾ ട്രാക്കിലേക്ക് ഇറങ്ങിയതെന്നാണ് ദൃക്‌സാക്ഷികൾ പറയുന്നത്.

ഉടൻ തന്നെ മെട്രോ അധികൃതർ വൈദ്യുതി ബന്ധം വിച്ഛേദിക്കുകയും ഇയാളെ ആശുപത്രിയിലെത്തിക്കുകയും ചെയ്തു. എന്നാൽ ഗുരുതരമായി പരിക്കേറ്റതിനാൽ ജീവൻ രക്ഷിക്കാനായില്ല. ഇയാളെക്കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ല. സംഭവത്തെക്കുറിച്ച് പോലീസ് അന്വേഷണം ആരംഭിച്ചിട്ടുണ്ട്.

ഈ സംഭവത്തെത്തുടർന്ന് മെട്രോ സർവീസുകൾ താൽക്കാലികമായി നിർത്തിവയ്ക്കേണ്ടിവന്നു. പിന്നീട് സർവീസ് പുനരാരംഭിച്ചു. യാത്രക്കാർക്ക് ബുദ്ധിമുട്ടുണ്ടായതിൽ ഖേദം പ്രകടിപ്പിച്ച് കൊച്ചി മെട്രോ അധികൃതർ പ്രസ്താവനയിറക്കി.