The NewsMalayalam updates ചിറക്കടവ് ഗ്രാമ പഞ്ചായത്ത് കുട്ടികളുടെ കായിക പരിശീലനം പദ്ധതി ഉദ്ഘാടനം ചെയ്തു.

പൊൻകുന്നം - ചിറക്കടവ് ഗ്രാമ പഞ്ചായത്ത് 2025-26 സാമ്പത്തിക വർഷം കുട്ടികൾക്ക് കായികപരിശീലനം പദ്ധതി  പൊൻകുന്നം ഗവ : ഹൈസ്കൂളിൽ പഞ്ചായത്ത് പ്രസിഡൻ്റ് അഡ്വ സി.ആർ ശ്രീകുമാറിൻ്റെ അദ്ധ്യക്ഷതയിൽ ചേർന്ന യോഗത്തിൽ വച്ച് ബഹു കേരളാ ഗവ: ചീഫ് വിപ്പ് ഡോ: എൻ.ജയരാജ് ഉത്ഘാടനം ചെയ്തു. ജില്ലാ പഞ്ചായത്ത് അംഗം  T .N ഗിരീഷ് കുമാർ, ബ്ലോക്ക് പഞ്ചായത്ത് അംഗം  മിനി സേതുനാഥ്,വൈ പ്രസി.  സതി സുരേന്ദ്രൻ, സ്റ്റാൻഡിംഗ് കമ്മിറ്റി ചെയർമാൻമാരായ അഡ്വ.സുമേഷ് ആൻഡ്രൂസ്, ആൻ്റെണി മാർട്ടിൻ, മെമ്പർമാരായ ഷാക്കി സജീവ് ,ശ്രീലത സന്തോഷ്, അമ്പിളി ശിവദാസ്, നിർവഹണ ഉദ്യോഗസ്ഥൻ ഷാജി V M പരിശീലകൻ സുധീഷ് തുടങ്ങിയവർ പങ്കെടുത്തു. യോഗത്തിൽ വെച്ച് നൂതന പദ്ധതികൾ കൊണ്ട് ചിറക്കടവിനെ സമഗ്ര വികസനത്തിലെത്തിച്ച ചിറക്കടവ് ഗ്രാമ പഞ്ചായത്ത് പ്രസിഡൻ്റ് അഡ്വ സി.ആർ ശ്രീകുമാറിന് രക്ഷകർത്താക്കളും അധ്യാപകരും ചേർന്ന് നൽകിയ ആദരവും പുരസ്കാരവും  എൻ  ജയരാജ്  എംഎൽഎ സമർപ്പിച്ചു.  .2022 ൽ 5-ാം ക്ലാസിലെ 50 കുട്ടികൾക്ക് ആരംഭിച്ച് ഇപ്പോൾ 6, 7, 8, ക്ലാസുകളെ കൂടി ഉൾപ്പെടുത്തി 200 കുട്ടികൾക്കാണ് കായികപരിശീലനം നൽകുന്നത്. നടപ്പ് സാമ്പത്തിക വർഷം 800000 ( എട്ടു ലക്ഷം രൂപയാണ്  വകയിരുത്തിയിട്ടുള്ളത്. ഭാവിയിൽ 12 -ാം ക്ലാസു വരെ ഉൾപ്പെടുത്തി പ്രതിവർഷം 400 കുട്ടികൾക്ക് പരിശീലനം നൽകുന്നതിന് ലക്ഷ്യമിടുന്നു. ഈ പദ്ധതി കുട്ടികളുടെ കായിക, ബൗദ്ധിക കഴിവുകൾ മെച്ചപ്പെടുത്തുന്നതിനും ചിറക്കടവിനെ കേരളത്തിൻ്റെ കായിക ഭൂപടത്തിൽ തിളങ്ങുന്ന സ്ഥാനം കൈവരിക്കാൻ സഹായിക്കുകയും ചെയ്യുമെന്ന് ഭരണസമതി പ്രതീക്ഷിക്കുന്നു