*തിരുവനന്തപുരം:* അൻപതാമത് വയലാർ രാമവർമ്മ സ്മാരക സാഹിത്യ അവാർഡ് പ്രശസ്ത എഴുത്തുകാരി ആർ. രാജശ്രീക്ക്.
'ആത്രേയകം' എന്ന നോവലിനാണ് പുരസ്കാരം. മാതൃഭൂമി ബുക്സ് പ്രസിദ്ധീകരിച്ച നോവലാണിത്. ഇന്ന് (ഒക്ടോബർ 4) തിരുവനന്തപുരത്ത് നടന്ന പത്രസമ്മേളനത്തിലാണ് അവാർഡ് പ്രഖ്യാപിച്ചത്.
ഒരു ലക്ഷം രൂപയും കാനായി കുഞ്ഞിരാമൻ രൂപകൽപന ചെയ്ത ശിൽപവും പ്രശസ്തി പത്രവുമാണ് അവാർഡ്. ഒ.വി. ഉഷ, സുഭാഷ് ചന്ദ്രൻ, ഡോ. വി. വിജയകുമാർ എന്നിവരടങ്ങിയ ജൂറിയാണ് പുരസ്കാര നിർണയം നടത്തിയത്.
വയലാർ രാമവർമ്മയുടെ ചരമദിനമായ ഒക്ടോബർ 27-ന് വൈകിട്ട് 5.30-ന് തിരുവനന്തപുരം നിശാഗന്ധി ഓഡിറ്റോറിയത്തിൽ നടക്കുന്ന ചടങ്ങിൽ മുഖ്യമന്ത്രി വി.ഡി. സതീശൻ പുരസ്കാരം സമ്മാനിക്കും.
കണ്ണൂർ പറശ്ശിനിക്കടവ് സ്വദേശിനിയായ ആർ. രാജശ്രീ തലശ്ശേരി ഗവ. ബ്രണ്ണൻ കോളേജ് മലയാള വിഭാഗം അധ്യാപികയാണ്. 'കല്യാണിയെന്നും ദാക്ഷായണിയെന്നും പേരായ രണ്ടു സ്ത്രീകളുടെ കഥ' എന്ന നോവലിന് 2021-ൽ കേരള സാഹിത്യ അക്കാദമി അവാർഡ് ലഭിച്ചിരുന്നു.
`#VayalarAward #RRajasree #Aathreyakam #MalayalamLiterature #VayalarRamavarma #KeralaNews #BrennenCollege # The news Malayalam
`
