*കോട്ടയം/ കാഞ്ഞിരപ്പള്ളി | June 2026
പാറത്തോട് - ഇടക്കുന്നം ഹിദായത്തുൽ ഇസ്ലാം മുസ്ലിം ജമാഅത്തിന്റെ കരുതൽ വീണ്ടും കുട്ടികൾക്കായി. ഇടക്കുന്നം ഗവ. ഹയർ സെക്കൻഡറി സ്കൂളിലെ അർഹരായ വിദ്യാർത്ഥികൾക്ക് പഠനോപകരണ കിറ്റ് വിതരണം ചെയ്യുന്നതിനായി ജമാഅത്ത് ഭാരവാഹികൾ സ്കൂളിലെത്തി.
നോട്ട്ബുക്ക്, കുട, വാട്ടർബോട്ടിൽ, ഇൻസ്ട്രുമെന്റ് ബോക്സ് അടക്കമുള്ള അവശ്യ സാധനങ്ങളാണ് കൈമാറിയത്. സ്കൂൾ ഓഫീസിൽ നടന്ന ലളിതമായ ചടങ്ങിൽ ഹെഡ്മാസ്റ്റർ സിൽവി ഡേവിഡ് ഉപകരണങ്ങൾ ഏറ്റുവാങ്ങി. പിടിഎ പ്രസിഡന്റ് നെസീബ്, ഗ്രാമപഞ്ചായത്ത് മെമ്പർ മാർട്ടിൻ തോമസ് എന്നിവർ ചടങ്ങിന് നേതൃത്വം നൽകി.
ജമാഅത്തിനെ പ്രതിനിധീകരിച്ച് ചീഫ് ഇമാം സുബൈർ മൗലവി അനുഗ്രഹ പ്രഭാഷണം നടത്തി. _"വിദ്യ ആർക്കും കവർന്നെടുക്കാൻ പറ്റാത്ത അമൂല്യ സമ്പത്താണ്. അതിന്റെ ഗുണങ്ങൾ വ്യക്തിയുടെ മരണത്തിനു ശേഷവും സമൂഹത്തിന് വഴികാട്ടിയായി വർത്തിക്കും. വൈജ്ഞാനിക വ്യാപനം ഓരോ പൗരന്റെയും ധർമ്മമാണ്"_ - അദ്ദേഹം കുട്ടികളെ ഓർമ്മിപ്പിച്ചു.
ജമാഅത്ത് പ്രസിഡന്റ് വി.എം അബ്ദുൽ റഷീദ് അണ്ണാവിയിൽ, ജനറൽ സെക്രട്ടറി പി.കെ നിസാറുദീൻ പുത്തൻവീട്ടിൽ എന്നിവരുടെ നേതൃത്വത്തിൽ കെ.എസ് മീരാണ്ണൻകുട്ടി കരുവാളിക്കൽ, മുഹമ്മദ് ഫൈസൽ പുത്തൻപ്ലാക്കൽ, ഇബ്രാഹിംകുട്ടി പീടികക്കൽ, യൂസഫ് കോരട്ടിയിൽ, ബഷീർ കല്ലാനിക്കൽ, കബീർ പേക്കാട്ടുപുരയിടം, ഹംസ മൗലവി തുടങ്ങിയ ജമാഅത്ത് ഭാരവാഹികളും ചടങ്ങിൽ സന്നിഹിതരായിരുന്നു.
പുതിയ അധ്യയന വർഷാരംഭത്തിൽ തന്നെ ലഭിച്ച ഈ കൈത്താങ്ങ് സാധാരണ കുടുംബങ്ങളിലെ കുട്ടികൾക്ക് വലിയ ആശ്വാസമാകുമെന്ന് സ്കൂൾ അധികൃതർ പറഞ്ഞു.
#Kottayam #Idakunnam #Parathodu #HidayathulIslam #Jamaath #Charity #EducationSupport #SchoolKids #StudyMaterials #CommunityService #KeralaNews #MalayalamNews #Seva #KottayamNews #BackToSchool #SocialService #Vidhyadanam #IdakunnamSchool #YouthWelfare #KeralaModel
