എരുമേലി:- അഴുത കാളകെട്ടിയിൽ 40 വർഷത്തോളം പഴക്കമുള്ളതും ജർണിച്ച് നിലംപതിക്കാറായതുമായ പ്രൈമറി ഹെൽത്ത് സെൻറർ കെട്ടിടം മാറ്റി സ്ഥാപിക്കണമെന്ന് *അഖില തിരുവിതാംകൂർ മലയരയ മഹാസഭ* കാളകെട്ടി. ശാഖാ കമ്മിറ്റി ആവശ്യപ്പെട്ടു.
നിലവിലെ കെട്ടിടം മലയരയ മഹാസഭ സൗജന്യമായി വിട്ടുകൊടുത്ത സ്ഥലത്താണ് സ്ഥിതി ചെയ്യുന്നത്. കെട്ടിടം പൂർണമായി ജീർണിച്ചതിനാൽ ഹെൽത്ത് സെൻറർ ഇപ്പോൾ മൂക്കൻപെട്ടിയിൽ വാടക കെട്ടിടത്തിലാണ് പ്രവർത്തിക്കുന്നത്.
ശബരിമല ഇടത്താവളമായ *കാളകെട്ടി ശ്രീ ശങ്കരനാരായണ ക്ഷേത്രം (കൊച്ചമ്പലം)* കോമ്പൗണ്ടിലാണ് ആധുനിക കെട്ടിടം. ക്ഷേത്രത്തിൻ്റെ പുനരുദ്ധാരണ പ്രവർത്തനങ്ങൾ നടന്നു. അയ്യപ്പ ഭക്തർക്ക് കൂടുതൽ സൗകര്യം ഒരുക്കുന്നതിനായി കെട്ടിടം ക്ഷേത്ര കോമ്പൗണ്ടിൽ നിന്ന് 10 മീറ്റർ കിഴക്ക് ഭാഗത്തേക്ക് മാറ്റി സ്ഥാപിക്കണമെന്നാണ് സഭയുടെ ആവശ്യം. പുതിയ കെട്ടിടത്തിനായി ആവശ്യമായ സ്ഥലം സൗജന്യമായി വിട്ടുനൽകാമെന്നും ശാഖാ ഭാരവാഹികൾ വ്യക്തമാക്കി.
എന്നാൽ ഈ നീക്കത്തിനെതിരെ പ്രദേശത്തെ ഒരു വിഭാഗം ആളുകൾ രംഗത്തുണ്ട്. പുതിയ കെട്ടിടം നിർമ്മിക്കാൻ പഞ്ചായത്ത് ഫണ്ട് അനുവദിച്ചിട്ടുണ്ടെങ്കിലും തർക്കം കാരണം നിർമ്മാണം ആരംഭിച്ചിട്ടില്ല.
ഉപയോഗശൂന്യമായ ആധുനിക കെട്ടിടം മദ്യപരുടെയും വിരുദ്ധരുടെയും താവളമായി മാറിയതായും സഭ ആരോപിച്ചു.
കെട്ടിടം മാറ്റി സ്ഥാപിക്കണമെന്ന് ആവശ്യപ്പെട്ട് ആരോഗ്യവകുപ്പ്, ജില്ലാ കളക്ടർ, പട്ടികവർഗ്ഗ വികസനവകുപ്പ് എന്നിവർക്ക് സഭ നിവേദനം നൽകിയിട്ടുണ്ട്.
മുൻപ് സഭ സൗജന്യമായി വിട്ടുകൊടുത്ത സ്ഥലമായതിനാലും പുതിയ കെട്ടിടത്തിനായി സഭ തന്നെ സൗജന്യമായി അനുവദിച്ചതിനാലും ശബരിമല ഇടത്താവള വികസനത്തിൻ്റെ ഭാഗമായും ഹെൽത്ത് സെൻറർ മാറ്റി സ്ഥാപിക്കേണ്ടത് അത്യാവശ്യമാണെന്ന് ഭാരവാഹികൾ പറഞ്ഞു. പ്രദേശവാസികൾ സഹകരിക്കണമെന്നും പഞ്ചായത്ത് അധികൃതർ ഉടൻ ഇടപെട്ട് തർക്കം പരിഹരിച്ച് ഹെൽത്ത് സെൻറർ പുതിയ സ്ഥലത്തേക്ക് മാറ്റാൻ നടപടി സ്വീകരിക്കണമെന്നും സഭാ വാർത്താ സമ്മേളനത്തിൽ ആവശ്യപ്പെട്ടു.
ശാഖാ പ്രസിഡൻറ് കെ. ജനാർദ്ദനൻ, സെക്രട്ടറി പി.എസ്.രാജു*, ട്രഷറർ *പ്രദീപ്*, മോഹജി വളക്കുഴിയിൽ ഊരു മൂപ്പൻ ജനാർദ്ദനൻ എന്നിവർ വാർത്താ സമ്മേളനത്തിൽ പങ്കെടുത്തു.
ഹാഷ്ടാഗുകൾ:*
#എരുമേലി #അഴുത #കാളകെട്ടി #ഹെൽത്ത്സെൻ്റർ #മലയരയമഹാസഭ #ശബരിമലഇടത്താവളം #ശങ്കരനാരായണക്ഷേത്രം #കൊച്ചമ്പലം #ഗ്രാമപഞ്ചായത്ത് #TheNewsMalayalam
*✍️ മലയാളം വാർത്തകൾ*
