കോട്ടയം
എരുമേലി - ശബരിമല തീർത്ഥാടന കേന്ദ്രത്തിന്റെ കവാടമായ എരുമേലിയുടെ സമഗ്ര വികസനത്തിനായി *25 ആവശ്യങ്ങൾ* അടങ്ങിയ നിവേദനം പൂഞ്ഞാർ എംഎൽഎ *അഡ്വ. സെബാസ്റ്റ്യൻ എം.ജെ.*ക്ക് സമർപ്പിച്ചു.
മുണ്ടക്കയം ബ്ലോക്ക് കോൺഗ്രസ് ജനറൽ സെക്രട്ടറി *ബിനു നിരപ്പേൽ* ആണ് എംഎൽഎയുടെ പൂഞ്ഞാറിലെ വീട്ടിലെത്തി നിവേദനം കൈമാറിയത്. മാധ്യമപ്രവർത്തകനും ബ്ലോക്ക് കോൺഗ്രസ് ജനറൽ സെക്രട്ടറിയുമായ *സുരേന്ദ്രൻ കൊടിത്തോട്ടം*, പ്രദേശവാസികളായ *അജേഷ് കരിമാലിപ്പുഴയിൽ, ജയൻ കദളി മറ്റത്തിൽ* എന്നിവരും ഒപ്പമുണ്ടായിരുന്നു.
*പ്രധാന ആവശ്യങ്ങൾ:*
1. *മൾട്ടി സ്പെഷ്യാലിറ്റി ഹോസ്പിറ്റൽ* സ്ഥാപിക്കണം.
2. *പുതിയ മുക്കൂട്ടുതറ ഗ്രാമപഞ്ചായത്ത്* യാഥാർത്ഥ്യമാക്കണം.
3. *മിനി സിവിൽ സ്റ്റേഷൻ* നിർമ്മിക്കണം.
4. *രണ്ട് യൂണിറ്റ് ഫയർഫോഴ്സ്* യാഥാർത്ഥ്യമാക്കണം.
5. *കരിങ്കല്ലുംമൂഴി കയറ്റം ഒഴിവാക്കി* സമാന്തര പാത നിർമ്മിക്കണം.
6. *കണമല അട്ടിവളവിലെ* അപകടങ്ങൾ ശാശ്വതമായി പരിഹരിക്കണം.
7. *എരുത്വാപ്പുഴ-കണമല ശബരിമല സമാന്തര പാത* ഗതാഗതയോഗ്യമാക്കണം.
8. *പമ്പാനദിയിൽ നിന്ന് മണൽ വാരുന്നതിന്* നിയമനിർമ്മാണം നടത്തണം.
9. *കെഎസ്ആർടിസി ഡിപ്പോയ്ക്ക് സ്ഥലം* വാങ്ങി നൽകി സബ് ഡിപ്പോയായി ഉയർത്തണം.
10. *ഗതാഗത പ്രശ്നം പരിഹരിക്കാൻ റിംഗ് റോഡുകൾ* നിർമ്മിക്കണം.
11. *പമ്പാവാലി-എയ്ഞ്ചൽവാലിയിലെ വന്യജീവി ശല്യം* പരിഹരിക്കണം.
12. *എല്ലാ വീടുകളിലും കുടിവെള്ളം*, അയ്യപ്പഭക്തർക്ക് ശുദ്ധജലം ഉറപ്പാക്കണം.
13. *മൃഗങ്ങളെ കിടത്തി ചികിത്സയ്ക്ക് ആശുപത്രി* സ്ഥാപിക്കണം.
14. *എരുമേലി-മുക്കൂട്ടുതറ ഷോപ്പിംഗ് കോംപ്ലക്സുകൾ* പുനർനിർമ്മിക്കണം.
15. *പട്ടയഭൂമിയിലെ തേക്ക് ഉൾപ്പെടെയുള്ള മരങ്ങൾ വെട്ടാൻ* നിയമനിർമ്മാണം.
16. *എരുമേലി, മുക്കൂട്ടുതറ ടാക്സി സ്റ്റാൻഡുകൾ* നിർമ്മിക്കണം.
17. ജനപ്രതിനിധികൾക്ക് *3 മീറ്റർ വീതിയുള്ള ഗ്രാമീണ റോഡുകൾക്ക് ഫണ്ട്* അനുവദിക്കണം.
18. *എൽപി, യുപി സ്കൂളുകളിൽ ഇംഗ്ലീഷ് മീഡിയവും* ഉൾപ്പെടുത്തണം.
19. *മുക്കൂട്ടുതറ കേന്ദ്രമാക്കി പുതിയ വില്ലേജ് ഓഫീസ്* അനുവദിക്കണം.
20. *മുക്കൂട്ടുതറയിൽ പ്രൈവറ്റ് ബസ് സ്റ്റാൻഡ്* നിർമ്മിക്കണം.
21. *കിഴക്കൻ മേഖലയിൽ പ്ലസ് ടു സ്കൂളുകൾ* അനുവദിക്കണം.
22. *മൂക്കൻപെട്ടിയിൽ പാലം* നിർമ്മിക്കണം.
23. *കണമലയിൽ കെഎസ്ഇബി സെക്ഷൻ ഓഫീസ്* അനുവദിക്കണം.
24. *തുലാപ്പള്ളിയിൽ നിന്ന് തിരുവനന്തപുരത്തേക്ക് കെഎസ്ആർടിസി ബസ്* അനുവദിക്കണം.
25. *എരുത്വാപ്പുഴ മലവേടർ ഉന്നതിയിൽ സമഗ്ര വികസനം* പൂർത്തിയാക്കണം.
ഈ നിവേദനങ്ങൾ സംബന്ധിച്ച് തുടർനടപടികൾ അറിയിക്കണമെന്നും എരുമേലിയുടെ വികസന സ്വപ്നങ്ങൾ യാഥാർത്ഥ്യമാക്കണമെന്നും ബിനു നിരപ്പേൽ എംഎൽഎയോട് അഭ്യർത്ഥിച്ചു. അധികാരികളിൽ നിന്ന് ലഭിച്ച മറുപടിയുടെ പകർപ്പും നിവേദനത്തോടൊപ്പം സമർപ്പിച്ചിട്ടുണ്ട്.
*The News Malayalam*
#ErumelyDevelopment #MundakkayamBlockCongress #BinuNirappel #SebastianMLA #Poonjar #Sabarimala #Erumely #Mukkuttuthara #Congress #TheNewsMalayalam #വികസനം #എരുമേലി
