തിരുവനന്തപുരം - രാഹുൽ മാങ്കൂട്ടത്തിൽ എംഎൽഎയ്ക്കെതിരായ ലൈംഗിക പീഡനക്കേസിലെ പരാതിക്കാരിയെ (അതിജീവിതയെ) സമൂഹമാധ്യമങ്ങളിലൂടെ അപമാനിച്ചുവെന്ന പരാതിയിലാണ് രാഹുൽ ഈശ്വരൻ്റെ അറസ്റ്റ്.
രാഹുൽ മാങ്കൂട്ടത്തിലിനെ പിന്തുണച്ച് ചാനൽ ചർച്ചകളിലും സ്വന്തം യൂട്യൂബ് ചാനലിലും നടത്തിയ പരാമർശങ്ങളിലൂടെ അതിജീവിതയെ അപമാനിച്ചുവെന്നാണ് പരാതി.
ഐടി ആക്ടിലെയും ഭാരതീയ ന്യായ സംഹിതയിലെയും (BNS) വിവിധ വകുപ്പുകൾ ചുമത്തിയിട്ടുണ്ട്. ലൈംഗിക ചുവയോടെയുള്ള പരാമർശം നടത്തിയതിന് ജാമ്യമില്ലാ വകുപ്പായ BNS 75(3) കൂടി പോലീസ് ചേർത്തിട്ടുണ്ട്.
അദ്ദേഹത്തിന്റെ ഫോണും ലാപ്ടോപ്പും പോലീസ് പിടിച്ചെടുത്തിട്ടുണ്ട്. ചോദ്യം ചെയ്യലിന് ശേഷമാണ് അറസ്റ്റ് രേഖപ്പെടുത്തിയത്. അദ്ദേഹത്തെ തിങ്കളാഴ്ച കോടതിയിൽ ഹാജരാക്കും.
