കോഴിക്കോട് - കൊയിലാണ്ടി എം.എൽ.എയും സി.പി.ഐ. (എം.) നേതാവുമായ കാനത്തിൽ ജമീല (59)അന്തരിച്ചു.
ദീർഘനാളായി കാൻസർ ബാധിതയായി ചികിത്സയിലിരിക്കെയാണ് മരണം സംഭവിച്ചത്.
2021-ലെ തിരഞ്ഞെടുപ്പിലാണ് കാനത്തിൽ ജമീല കൊയിലാണ്ടി മണ്ഡലത്തിൽ നിന്നും നിയമസഭയിലേക്ക് തിരഞ്ഞെടുക്കപ്പെട്ടത്.
അവർ കോൺഗ്രസിലെ എൻ. സുബ്രഹ്മണ്യനെ 8472 വോട്ടുകൾക്ക് പരാജയപ്പെടുത്തി.
നിയമസഭാ അംഗമാകുന്നതിനു മുൻപ് അവർ കോഴിക്കോട് ജില്ലാ പഞ്ചായത്ത് പ്രസിഡന്റായും ഗ്രാമപഞ്ചായത്തിലും ബ്ലോക്ക് പഞ്ചായത്തിലും അംഗമായും പ്രവർത്തിച്ചിട്ടുണ്ട്.
കാനത്തിൽ ജമീലയുടെ വിയോഗത്തിൽ കേരള രാഷ്‌ട്രീയത്തിലെ നിരവധി നേതാക്കൾ അനുശോചനം രേഖപ്പെടുത്തി.
