*✍️ The News Malayalam updates-* *രാജ്യത്ത് ജനാധിപത്യം അസ്ഥിരപ്പെടുത്തുമ്പോൾ നോക്കിനിൽക്കാനാവില്ല: മന്ത്രി ഒ.ജെ. ജനീഷ്*

Hot Widget

Type Here to Get Search Results !

*✍️ The News Malayalam updates-* *രാജ്യത്ത് ജനാധിപത്യം അസ്ഥിരപ്പെടുത്തുമ്പോൾ നോക്കിനിൽക്കാനാവില്ല: മന്ത്രി ഒ.ജെ. ജനീഷ്*



രാജ്യത്ത് ജനാധിപത്യം അസ്ഥിരപ്പെടുത്തുമ്പോൾ

നോക്കിനിൽക്കാനാവില്ല: മന്ത്രി ഒ.ജെ. ജനീഷ്


ഈരാറ്റുപേട്ട: രാജ്യത്തെ ജനാധിപത്യ സംവിധാനത്തിൻ്റെ അടിത്തറ തകർക്കാനുള്ള നീക്കങ്ങളാണ് കേന്ദ്രത്തിലെ മോദി സർക്കാർ നടത്തുന്നതെന്നും ജനാധിപത്യാവകാശങ്ങൾ നിഷേധിക്കപ്പെടുന്ന സാഹചര്യത്തിൽ നോക്കിനിൽക്കാനാവില്ലെന്നും കായിക-യുവജനക്ഷേമ വകുപ്പ് മന്ത്രി ഒ.ജെ. ജനീഷ് പറഞ്ഞു.

രാജ്യത്തെ പ്രായപൂർത്തിയായ ഓരോ പൗരനും ഭരണഘടന ഉറപ്പുനൽകുന്ന വോട്ടവകാശം പോലും നിഷേധിക്കുന്ന സാഹചര്യമുണ്ട്. അധികാരം നിലനിർത്തുന്നതിനായി ഏത് തന്ത്രവും പ്രയോഗിക്കാൻ കേന്ദ്രസർക്കാർ തയ്യാറാകുന്നു. തിരഞ്ഞെടുപ്പ് കമ്മീഷനെപ്പോലും ബി.ജെ.പി.യുടെ നിർദ്ദേശങ്ങൾക്കനുസരിച്ച് പ്രവർത്തന സംവിധാനമാക്കി മാറ്റിയിരിക്കണമെന്ന് അദ്ദേഹം ആരോപിച്ചു.

രാജ്യം അതീവ ഗുരുതരമായ സാഹചര്യത്തിലൂടെയാണ് കടന്നുപോകുന്നത്. ഈ സാഹചര്യത്തിലാണ് യുവാക്കളുടെ പ്രസക്തി. യുവാക്കളുടെ പോരാട്ടങ്ങളെ കണ്ടില്ലെന്ന് നടിക്കാൻ ഒരു സർക്കാരിനും കഴിയില്ല. കേന്ദ്രമന്ത്രി ധർമേന്ദ്ര പ്രധാൻ പോലും യുവാക്കളുടെ പ്രതിഷേധത്തിന് മുന്നിൽ മുട്ടുമടക്കേണ്ടിവന്നുവെന്നും മന്ത്രി പറഞ്ഞു.

യൂത്ത് ജില്ലാ തല പദയാത്രയുടെ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

മൂവാറ്റുപുഴ എം.എൽ.എ മാത്യു കുഴൽനാടൻ മുഖ്യപ്രഭാഷണം നടത്തി. ഇല്ലാത്ത കാരണങ്ങൾ ഉന്നയിച്ച് സി.പി.എം തൻ്റെ ഓഫീസിലേക്ക് പതിനേഴു തവണ മാർച്ച് നടത്തിയിട്ടുണ്ട്. ഓരോ മാർച്ചിനുശേഷവും തൻ്റെ ആത്മവിശ്വാസവും പൊതുസ്വീകാര്യതയും വർദ്ധിപ്പിക്കുകയാണ് ചെയ്തതെന്ന് അദ്ദേഹം പറഞ്ഞു. പൂഞ്ഞാർ എം.എൽ.എയുടെ ഓഫീസ് ആക്രമണവുമായി ബന്ധപ്പെട്ടും അദ്ദേഹം പ്രതികരിച്ചു.


എം.ജെ. സെബാസ്റ്റ്യൻ എം.എൽ.എ, റോണി കെ. ബേബി, കെ.പി.സി.സി സെക്രട്ടറിമാരായ ബാലകൃഷ്ണൻ പെരിയ, അഡ്വ. പി.എ. സലീം, യൂത്ത് ജില്ലാ പ്രസിഡൻ്റ് ഗൗരിശങ്കർ, ബിനു ചുള്ളിയിൽ, ചിൻ്റു കുര്യൻ, ഷിയാസ് സി.സി.എം. തുടങ്ങിയവർ സംസാരിച്ചു.

 ̶ ̶ ̶ ̶ ̶