*നാഗ്പൂരിൽ ലോക്കോ പൈലറ്റ് പരിശീലകനായ മലയാളി യുവാവ് ട്രെയിനിൽ നിന്ന് വീണ് മരിച്ചു; ദുരൂഹത നീക്കാൻ അന്വേഷണം വേണമെന്ന് ആവശ്യം ശക്തം
*നാഗ്പൂർ*
ലോക്കോ പൈലറ്റ് പരിശീലനത്തിനായി മഹാരാഷ്ട്രയിലെ ഗോണ്ടിയയിൽ കഴിയുകയായിരുന്ന കേരളത്തിൽ നിന്നുള്ള 37കാരനായ യുവാവ് ട്രെയിനിൽ നിന്ന് വീണ് മരിച്ചു. കോട്ടയം ജില്ലയിലെ ഏറ്റുമാനൂർ സ്വദേശിയാണ് ദാരുണമായി മരിച്ചത്.
നാഗ്പൂരിൽ നിന്ന് ഏകദേശം 140 കിലോമീറ്റർ അകലെയുള്ള ഗോണ്ടിയയിൽ ലോക്കോ പൈലറ്റായി പരിശീലനം നടത്തിവരികയായിരുന്നു യുവാവ്. പരിശീലനവുമായി ബന്ധപ്പെട്ട ആവശ്യമായ മെഡിക്കൽ സർട്ടിഫിക്കറ്റ് സമർപ്പിക്കുന്നതിനായാണ് നാഗ്പൂരിലെത്തിയത്. നടപടികൾ പൂർത്തിയാക്കിയ ശേഷം ഗോണ്ടിയയിലേക്ക് ട്രെയിനിൽ മടങ്ങുന്നതിനിടെയാണ് അപകടമുണ്ടായത്.
പ്രാഥമികമായി ലഭിക്കുന്ന വിവരങ്ങൾ പ്രകാരം, ട്രെയിനിൻ്റെ വാതിൽ അടയ്ക്കുന്നതിനിടെ കാൽ വഴുതി പുറത്തേക്ക് വീണതാകാം അപകടകാരണമെന്നാണ് റിപ്പോർട്ട്. എന്നാൽ അപകടം നടന്ന സാഹചര്യങ്ങളെക്കുറിച്ച് കൂടുതൽ വ്യക്തത വരേണ്ടതുണ്ടെന്ന് നാഗ്പൂരിലെ മലയാളി സംഘടനാ പ്രവർത്തകർ ചൂണ്ടിക്കാട്ടുന്നു.
യുവാവ് എങ്ങനെയാണ് ട്രെയിനിൽ നിന്ന് പുറത്തേക്ക് വീണത്, അപകടസമയത്ത് വാതിലിനടുത്ത് എന്താണ് സംഭവിച്ചത്, സംഭവത്തിന് സാക്ഷികളുണ്ടായിരുന്നോ തുടങ്ങിയ കാര്യങ്ങൾ വിശദമായി പരിശോധിക്കണമെന്നാണ് ആവശ്യം. അപകടവുമായി ബന്ധപ്പെട്ട മുഴുവൻ സാഹചര്യങ്ങളും പരിശോധിച്ച് യഥാർത്ഥ കാരണം പുറത്തുകൊണ്ടുവരാൻ സമഗ്രമായ അന്വേഷണം നടത്തണമെന്നും മലയാളി സംഘടനകൾ ആവശ്യപ്പെടുന്നു.
ലോക്കോ പൈലറ്റാകാനുള്ള സ്വപ്നവുമായി പരിശീലനം തുടരുന്നതിനിടെ അപ്രതീക്ഷിത മരണം കുടുംബാംഗങ്ങളെയും സുഹൃത്തുക്കളെയും ഏറ്റുമാനൂരിലെയും നാഗ്പൂരിലെയും മലയാളി സമൂഹത്തെയും ഒരുപോലെ സന്തോഷത്തിലാഴ്ത്തിയിരിക്കുകയാണ്.
സംഭവവുമായി ബന്ധപ്പെട്ട അന്വേഷണത്തിലൂടെ കൂടുതൽ വിവരങ്ങൾ പുറത്തുവരുമെന്ന പ്രതീക്ഷയിലാണ് കുടുംബവും മലയാളി സമൂഹവും.
*ഫോട്ടോ അടിക്കുറിപ്പ്*
നാഗ്പൂരിൽ ട്രെയിനിൽ നിന്ന് വീണ് മരിച്ച ഏറ്റുമാനൂർ സ്വദേശിയായ ലോക്കോ പൈലറ്റ് പരിശീലകൻ
`#Blognews #TheNewsMalayalam #Nagpur #Ettumanoor #Kottayam #Locopilot #TrainAccident #Malayali`
ആദരാഞ്ജലികൾ 🙏
