എരുമേലി - എരുമേലിയിൽ ശബരിമല മണ്ഡല- മകരവിളക്കിൻ്റെ ഭാഗമായി അന്നദാന ക്യാമ്പ് ആരംഭിച്ചു.
അഖിലഭാരത അയ്യപ്പ സേവാ സംഘം പൊൻകുന്നം യൂണിയന്റെ ആഭിമുഖ്യത്തിൽ ഈ വർഷത്തെ മണ്ഡല മകരവിളക്ക് കാലത്തെ എരുമേലി അന്നദാന ക്യാമ്പ്
പൊൻകുന്നം യൂണിയൻ പ്രസിഡന്റ് അഡ്വക്കേറ്റ് എം എസ് മോഹനൻ ഭദ്രദീപം കൊളുത്തി ഉദ്ഘാടനം ചെയ്തു.
ചടങ്ങിൽ പൊൻകുന്നം യൂണിയന്റെ ജനറൽ സെക്രട്ടറി ബി ചന്ദ്രശേഖരൻ നായർ /എരുമേലി ക്യാമ്പ് ഓഫീസർ കെ കെ സുരേന്ദ്രൻ, ജോയിന്റ് ക്യാമ്പ് ഓഫീസർമാരായ അനിയൻ എരുമേലി മുരളി കുമാർഎന്നിവർ പ്രസംഗിച്ചു. സേവാ സംഘത്തിന്റെ താലൂക്ക് യൂണിയൻ അംഗങ്ങളും ഭക്തജനങ്ങളും പങ്കെടുക്കുകയുണ്ടായി . ഈ വർഷത്തെ മണ്ഡല മകരവിളക്ക് കാലത്തുടനീളം ക്യാമ്പ് പ്രവർത്തിക്കുകയും അയ്യപ്പഭക്തന്മാർക്ക് മൂന്നു നേരവും അന്നദാനവും കുടിവെള്ളവും വിതരണം ചെയ്യാനുള്ള സംവിധാനം ക്യാമ്പിൽ ഏർപ്പെടുത്തിയിട്ടുണ്ട്.
പടം - അഖില ഭാരത അയ്യപ്പ സേവാ സംഘം എരുമേലിയിൽ ആരംഭിച്ച അന്നദാന ക്യാമ്പ് പൊൻകുന്നം യൂണിയൻ പ്രസിഡൻ്റ് അഡ്വ: എം.എസ് മോഹൻ ഉദ്ഘാടനം ചെയ്തപ്പോൾ ബി ചന്ദ്രശേഖരൻ നായർ സമീപം......
